Autobidearen lanek eragindako kalteak konponduko ditu Bidegik

2010-08-03 14:35:33 Arantzazu Ezkibel

Bidegik ia 800.000 euro bideratuko ditu AP-1 autobideko lanek Aretxabaletan eragindako kalteak konpontzeko. Kalte handiak sortu zituzten autobidearen lanek, batez ere Izurieta eta Galartza aldean. Orain, kalteak konponduko dituzte. 570.000 euro inbertituko ditu Basagoitiko ubidearen eraikuntzagatik hondatu zen GI-3920 errepideko zati bat konpontzeko; eta, Izurietara (GI-3132) doan errepidea berritzeko 207.000 euro bideratuko ditu Gipuzkoako Foru Aldundiak, Bidegi Bide Azpiegituren Agentziaren bitartez.

Basagoiti ubidea berreskuratzeko lanak Proyectos y Obras Pobisa SA enpresak egingo ditu, eta 9 asteko epea izango du horretarako.

Izurietan, bi hilabeteko epea

Izurietara doan errepidea (GI-3132) nahiko hondatuta geratu zen AP-1 eraikitzeko lanak egiten ari ziren bitartean, ibilgailu astun askoren joan-etorria pairatu zuelako. Errepideak jasan duen higadura dela eta, gomendagarria da bidezoruaren konponketa egitea. Hori egiteko lanak Campezo Construcción enpresak egingo ditu, 207.000 euroko aurrekontuarekin eta 2 hilabeteko epean.

Erantzunak

Egin login erantzunak uzteko

Autobidearen lanek eragindako kalteak konponduko ditu Bidegik Argazkia handitu