AHT: Uriarteko biaduktua eraikitzen hasi dira, Eskoriatza-Aramaio zatian

2010-02-17 08:39:01 Usoa Agirre

Atzo, martitzena, jakinarazi zuen Adifek hasi dituela biaduktua eraikitzeko lanak. Uriarteko biaduktuak 282 metroko luzera izango du eta 17 eta 38 metro arteko altuera izango du.

Eskoriatza eta Aramaio arteko AHTren tarteak 5,5 kilometro izango ditu eta horietatik 3,5 lur azpian joango dira.

Tarte horrek bilduko ditu: Uruburu I, Uruburu II, Induspe eta Mazmelako tunelak; Uriarte, Zarimutz eta GI-3343 gaineko biaduktuak; eta aurreratzeko eta trenak geratzeko leku bat. Guztiak eraikitzen ari dira.

Basoberritzea

Mikel Cabieces EAEn Espainiako Gobernuak duen ordezkariak adierazi duenez, lan guztiak bukatutakoan 285.672 metro karratu basoberrituko dituzte zuhaixka eta landareekin eta bertako 31.000 zuhaitzekin.

2020 urterako epea dute Gasteiz-Bilbo-Donostia linearekin amaitzeko.

Erantzunak

Egin login erantzunak uzteko

AHT: Uriarteko biaduktua eraikitzen hasi dira, Eskoriatza-Aramaio zatian Argazkia handitu

Nabigatu euskaraz