Abba taldearen garai onenetara bidaia, Aratuste kontzertuarekin gaur

2012-02-17 12:00:00 Arritxu Barruso

Mama Mia, Dancing Queen edo Waterloo bezalako kantu ezagunak abestu eta dantzatzeko aukera izango da gaur, egubakoitza, Udal Pilotalekuan. Urteroko Aratuste Kontzertuan aurten Ai Amatxo musikala antzeztuko dute eta modu horretan Abba taldearen garai onenetara eramango dituzte entzuleak, baina kasu honetan euskal landetxe batean kokatuko da akzioa.

Kontzertuak bi zati izango ditu. Lehenengo Bergarako Udal Musika Bandak 70eko hamarkadako musikan oinarritutako emanaldia egingo du eta ondoren etorriko da Ai Amatxo musikala. Arduradunek azaldu dute aurten zerbait alaia eta dantzagarria egin nahi izan dutela.

Kontzertua 22:30ean hasiko da eta sarrerak agortuta daude dagoeneko.

Erantzunak

Egin login erantzunak uzteko

Ai Ama musikalaren entsegu une bat. Argazkia handitu

Nabigatu euskaraz